կարևոր
859 դիտում, 8 ամիս առաջ - 2021-05-05 19:32

«Վերածնվող Հայաստան» կուսակցությունը չի բացառել ընտրություններին միասնական դաշինքով մասնակցությունը

«Վերածնվող Հայաստան» կուսակցությունը  չի բացառել ընտրություններին միասնական դաշինքով մասնակցությունը

«Վերածնվող Հայաստան» կուսակցությունը կմասնակցի առաջիկա արտահերթ խորհրդարանական ընտրություններին: Այդ մասին կուսակցության համագումարում հայտարարել է քաղաքական ուժի ղեկավար Վահե Հակոբյանը:

Նա նաեւ չի բացառել ընտրություններին միասնական դաշինքով մասնակցությունը:

Համագումարի ընթացքում կուսակցության անդամները ներկայացրել են ծրագրային դրույթներ, որոնց միջոցով, ըստ իրենց, հնարավոր կլինի վերակառուցել իշխանության ինստիտուտները եւ վերականգնել մեր դիրքերը միջազգային ասպարեզում:

«Քաջ գիտակցում ենք, որ քաղաքական հայտ ենք ներկայացնում երկրի համար օրհասական վիճակում։ Սակայն պայքարը հանուն ազգային գաղափարախոսության ու անվտանգության է»,-նշել է Վահե Հակոբյանը:

Կուսակցության փոխնախագահը Ազգային ժողովի պատգամավոր Աննա Գրիգորյանն է, որը խորհրդարանական ընտրություններին իր քաղաքական գործունեությունը կշարունակի այս կուսակցության հետ:

Հիմնադիր համագումարի վերջում «Վերածնվող Հայաստան» կուսակցությունը «Հայրենիքի վահան» Պահեստազորի սպաների միություն հասարակական կազմակերպությունը համագործակցության հուշագիր են ստորագրել:

Նշենք, որ արտահերթ ընտրություններն, ամենայն հավանականությամբ, տեղի կունենան հունիսի 20-ին: