կարևոր
1774 դիտում, 1 տարի առաջ - 2021-04-29 11:14

Իշխանությունն ու նիկոլը կատաղել են. այսօր բոլորիս կանչել են Երեւանի քաղաքի քննչական վարչություն. Գեղամ Մանուկյան

Իշխանությունն ու նիկոլը կատաղել են. այսօր բոլորիս կանչել են Երեւանի քաղաքի քննչական վարչություն. Գեղամ Մանուկյան

Արծվիկ Մինասյանից, Գերասիմ Վարդանյանից հետո, այսօր՝ առավոտյան, ոստիկանները մեր դուռն էլ թակեցին հարցաքննության ներկայանալու ծանուցագրով։ Այս մասին ֆեյսբուքյան իր էջում գրել է ՀՅԴ անդամ Գեղամ Մանուկյանը:

«Բոլոր ճանապարհները տանում են նիկոլի քննչական մարմինների դռներ

Իշխանությունն ու նիկոլը կատաղել են, չեն հանգստանում։ Նրանք սկսել են խոսել միայն քրեական գործերի լեզվով։

ՊԱՏՐԱՍՏ ենք։ Վարժ ենք։ Ուղղակի քննիչներն են մեղք մեր ձեռքը։ Այսօր 15։30, բոլորիս (կարծում եմ դեռ ցանկը մեծանալու է) կանչել են Երեւանի քաղաքի քննչական վարչություն։ Լավ չհասկացա՝ կասկածյալի կամ վկայի կարգավիճակով։ Ենթադրում եմ, որ տեղում արդեն մեղադրանք կառաջադրեն։ Բայց այդ շենք ուրիշ ապրումներով եմ մտնելու։

Իսկ 17։00 բոլորս հավաքվում ենք ՀՀ Գլխավոր դատախազության դիմաց։ Անօրինականության կենտրոնակայանի մոտ մեր բողոքը հայտնելու Հայաստանում շարունակվող համատարած անօրինականության եւ իրավական քաոսի դեմ»,-գրել է Մանուկյանը։