կարևոր
1348 դիտում, 1 տարի առաջ - 2021-04-28 17:14

Ուղիղ 76 տարի առաջ այս օրը իտալացիները գնդակահարեցին Իտալիայի երբեմնի վարչապետ, ապա մարդկությանը հայտնի դաժան բռնապետերից մեկին

Ուղիղ 76 տարի առաջ այս օրը իտալացիները գնդակահարեցին Իտալիայի երբեմնի վարչապետ, ապա մարդկությանը հայտնի դաժան բռնապետերից մեկին

1945 թ. ապրիլի 28-ին գնդակահարեցին նախկին լրագրող, Իտալիայի երբեմնի քաղաքական առաջնորդ ու վարչապետ, Ազգային ֆաշիստական կուսակցության հիմնադիր Բենիտո Մուսոլինիին։ 

1945 թվականի ապրիլի 28-ին Բենիտո Մուսոլինիին և նրա սիրուհուն` Կլարա Պետաչիին գնդակահարեցին ու ապա` դաժանորեն խոշտանգեցին նրանց մարմինները։

Տեղեկանալով Գերմանիայի պարտության մասին, Մուսոլինին մի փոքրիկ խմբով որոշեց փախչել Իտալիայից և թաքնվել Շվեյցարիայում։ Ապրիլի 26-ի լույս 27-ի գիշերը փախչողների այս խումբը միացավ 200 հոգանոց գերմանացիների ջոկատին, որոնք նույնպես պատրաստվում էին սահմանն անցնել։ Հենց այստեղ նրանց միացավ նաև Մուսոլինիի վերջին սիրուհին` Կլարա Պետաչին։ Ապրիլի 28-ին, ժամը` 16 անց 10 րոպեին Մեցեգրա գյուղի ծայրամասում գնդակահարեցին նրանց։ Մեռած դուչեի, նրա սիրուհու և ևս վեց նացիստ-իտալացիների դիակները բերեցին Միլան և գլխիվայր կախեցին Միլանի Լորետտո հրապարակում։ Այսպիսով, իտալացիները ատելություն հայտնեցին մի մարդու, որը մարդկանց համար խորը արհամարհանքով կյանք ունեցավ:

Մայիսի 1-ին Մուսոլինիի, նրա սիրուհու ու մյուս վեց նացիստների մարմինները որպես անհայտներ թաղեցին Մուզոկո գերեզմանոցի` աղքատների համար նախատեսված հատվածում։