կարևոր
1468 դիտում, 1 տարի առաջ - 2021-04-27 18:31

Մեղրիի համայնքպետի պաշտպանը միջնորդություն է ներկայացրել ՀՀ Գլխավոր դատախազին

Մեղրիի համայնքպետի պաշտպանը միջնորդություն է ներկայացրել ՀՀ Գլխավոր դատախազին

Մեղրիի համայնքի ղեկավար Մխիթար Զաքարյանի պաշտպան Գայանե Պապոյանն այսօր միջնորդություն է ներկայացրել ՀՀ Գլխավոր դատախազին՝ Մխիթար Զաքարյանի նկատմամբ առաջադրված ակնհայտ անհիմն մեղադրանքը վերացնելու պահանջով։ Այս մասին նա տեղեկացրել է ֆեյսբուքյան իր էջում․

«Հիշեցնեմ, որ և՛ ձերբակալման իրավաչափությունը վիճարկելիս, և՛ կալանավորման միջնորդությունը քննարկելիս Դատարաններն արձանագրել են հիմնավոր կասկածի բացակայությունը, այլ կերպ ասած՝ Մխիթար Զաքարյանի առնչությունն իրեն մեղսագրված արարքին անգամ հիմնավոր կասկածի մակարդակում չի հիմնավորվել։

Ի՞նչ է սա, եթե ոչ քաղաքական հետապնդում։

ՀՀ Գլխավոր Դատախազություն , պարոն Դավթյան, Դուք պարզապես պարտավոր եք գործել քրեական դատավարության օրենսգրքի շրջանակներում և վերացնել ակնհայտ շինծու մեղադրանքը»։