Երևանում շուրջ 10000 մարդ մասնակցել է ջահերով երթին. Al Arabiya

«Ուրբաթ Հայաստանի մայրաքաղաքում շուրջ 10 հազար մարդ մասնակցել է ջահերով երթի՝ ոգեկոչելու ավելի քան մեկ դար առաջ օսմանյան Թուրքիայի կողմից սպանված 1,5 միլիոն հայերի հիշատակը»,- գրում է Al Arabiya թերթը

Ապրիլի 23-ին Երևանում անցկացված ամենամյա ջահերով երթի մասին հոդվածում նշվում է, որ Հայոց ցեղասպանությունը 20-րդ դարի առաջին ցեղասպանությունն է։ «Թեև Թուրքիան ընդունում է 1915-ին տեղի ունեցած բազմաթիվ սպանությունները, սակայն մերժում է ցեղասպանություն եզրույթը` նշելով, որ այդ թիվը չափազանցված է և որ այդ մահերն օսմանյան կայսրության փլուզման ընթացքում տեղի ունեցած քաղաքացիական անկարգությունների հետևանք են եղել, գրում է պարբերականը։

Հատկանշական է, որ ԱՄՆ Պետդեպարտամենտն անդրադարձել է այսօր ՝ շաբաթ օրը, սպասվող «հայտարարությանը» «Հայոց ցեղասպանության» վերաբերյալ, ինչը, կարծես, հաստատում է այն ճանաչելու ԱՄՆ նախագահ  Բայդենի պատրաստակամությունը:

Թերթը, եզրափակելով անդրադարձը, նշել է, որ Թուրքիան առ այսօր հրաժարվում է ճանաչել Հայոց ցեղասպանությունը՝ հակառակ նրան, որ այն ճանաչվել է ավելի քան 20 երկրի կողմից, և հավելել, որ ԱՄՆ-ի նախագահ Ջո Բայդենը պատրաստվում է ճանաչել Ցեղասպանությունը՝ դրանով դառնալով Միացյալ Նահանգների առաջին ղեկավարը, որը պաշտոնապես կարտասանի այդ եզրույթը։