կարևոր
1504 դիտում, 1 տարի առաջ - 2021-04-24 10:54

Կենդանի հիշողությունը պատմության ողբերգական կրկնության դեմ լավագույն պատվարն է․ Ֆրանսիայի Սենատի նախագահը` Ցեղասպանության մասին

Կենդանի հիշողությունը պատմության ողբերգական կրկնության դեմ լավագույն պատվարն է․ Ֆրանսիայի Սենատի նախագահը` Ցեղասպանության մասին

Ես հայ չեմ, ոչ էլ հայկական ծագում ունեմ, սակայն այս պահին սրտս հայի սրտի նման է բաբախում, այստեղ անցյալն արձագանքում է ներկային, հուշահամալիրը մեզ սովորեցնում է ռազմական գործողությունները, եթե նույնիսկ դրանք հաջող են ընթացել, հաղթանակ չեն բերում: Այս մասին Ծիծեռնակաբերդում հայտարարեց Ֆրանսիայի Սենատի նախագահ Ժերար Լարշեն:

«Թող որ այն հարձակումը, որին վերջերս ենթարկվեցին հայրերը, և որն ուղեկցվում էր ատելությամբ, բռնություններով, վայրագություններով, սրբավայրերի պղծմամբ և ավերմամբ, այստեղ գտնի այն պատասխանը, որը մարտահրավեր է նետում անցյալին: Սպառնալիքը, որը, թվում էր, մարել է, կարող է կրկին բռնկվել, կենդանի հիշողությունը պատմության ողբերգական կրկնության դեմ լավագույն պատվարն է»,-ասաց նա:

Ժերար Լարշեի խոսքով՝ 1915-ից հետո բազմաթիվ հայեր, որոնք ստիպված էին արտագաղթել, ապաստան են գտել Ֆրանսիայում:

«Աշխարհում քիչ են այս հուշահամալիրին համարժեք վայրերը։ Այստեղ մուտք ես գործում հուզմունքով լի` ծանոթ լինելով կատարվածին, այստեղից հեռանում ես փոխված։ Ես հայ չեմ, ոչ էլ հայկական ծագում ունեմ, սակայն այս պահին սիրտս հայի սրտի նման է բաբախում»,- ասաց Լարշեն: