կարևոր
1099 դիտում, 1 տարի առաջ - 2021-04-23 18:05

Հադրութում հայտնաբերվել և տարհանվել է 2 հայ զինծառայողի դի. ևս 3 աճյուն փոխանցել է ադրբեջանական կողմը

Հադրութում հայտնաբերվել և տարհանվել է 2 հայ զինծառայողի դի. ևս 3 աճյուն փոխանցել է ադրբեջանական կողմը

Հադրութի շրջանում իրականացված որոնողական աշխատանքների արդյունքում Արցախի փրկարարները հայտնաբերել և տարհանել են 2 հայ զինծառայողի աճյուն: Այս մասին հայտնում են Արցախի Հանրապետության ներքին գործերի նախարարության արտակարգ իրավիճակների պետական ծառայությունից: 

Հետկեսօրին ևս 3 աճյուն ադրբեջանական կողմը Մարտակերտի ուղղությունից փոխանցել է հայկական կողմին:

Կնշանակվի դատաբժշկական փորձաքննություն՝ վերջիններիս ինքնությունը պարզելու նպատակով:

2020 թվականի նոյեմբերի 13-ից առ այսօր, որոնումների ընթացքում հայտնաբերված կամ Ադրբեջանի կողմից փոխանցված զինծառայողների, կամավորների և քաղաքացիական անձանց աճյունների ընդհանուր թիվը դարձավ 1551: