կարևոր
1138 դիտում, 1 ամիս առաջ - 2021-04-22 21:54

Ոստիկանները բռնի ուժով բերման են ենթարկել գեներալ Յուրի Խաչատուրովի որդուն՝ Իգոր Խաչատուրովին․ (ՏԵՍԱՆՅՈւԹ)

Այսօր Դատախազության շենքի մոտ սյունեցիների ապօրինի ձերբակալման դեմ ուղղված բողոքի ակցիայի ժամանակ ոստիկանները բռնի ուժով բերման են ենթարկել գեներալ Յուրի Խաչատուրովի որդուն՝ Իգոր Խաչատուրովին:

Հիշեցնենք, որ այսօր, ի զորակցություն ապօրինի ձերբակալված սյունեցիների, հանրահավաք էր կազմակերպվել Արամ Մանուկյանի արձանի մոտ: Այնուհետև մասնակիցները երթով շարժվեցին Դատախազության շենք, որտեղ պահանջեցին դատախազին իջնել և լսել ակցիայի մասանկիցների պահանջը: Ոստիկանների և քաղաքացիների միջև հրմշտոց սկսվեց այն պահից, երբ դատախազին տրված 20 րոպեն լրացավ, և ոչ ոք չիջավ ակցիայի մասնակիցների հետ հանդիպման: 

Անհնազանդության ակցիայի հետևանքով բազմաթիվ բերման ենթարկվածներ կան, մեկ ոստիկան տուժել է, որին առաջին բուժօգնություն են ցուցաբերել հանրահավաքի մասնակից բժիշկները: Նրան տեղափոխեցին հիվանդանոց: Ոստիկաններն արդեն բռնի ուժ կիրառել և բերման են ենթարկել հանրահավաքի մի շարք մասնակիցների, որոնց թվում է նաև ՀՅԴ Արտաշատի «Դուման» կոմիտեի ներկայացուցիչ Գերասիմ Վարդանյանը:  ՀՅԴ անդամ Արթուր Խաչատրյանը նշեց, որ սադրիչները շատ են, ոստիկանների կողմից շշեր են նետվել: