կարևոր
1534 դիտում, 1 տարի առաջ - 2021-04-22 21:13

Մխիթար Զաքարյանի ձերբակալության դեմ բերված բողոքի քննությունը նշանակված է վաղը՝ 18:30-ին

Մխիթար Զաքարյանի ձերբակալության դեմ բերված բողոքի քննությունը նշանակված է վաղը՝ 18:30-ին

Այսօր Երևան բերված և ավելի ուշ խուլիգանության և իշխանության ներկայացուցչի նկատմամբ բռնություն կիրառելու կազմակերպման կասկածանքի շրջանակներում ձերբակալված Մեղրի խոշորացված համայնքի ղեկավար Մխիթար Զաքարյանի ձերբակալության իրավաչափության դեմ պաշտպանական կողմի բերված բողոքը մակագրվել է Երևանի Ընդհանուր իրավասության դատարանի Ավան և Նոր Նորք նստավայրի դատավոր Մանվել Շահվերդյանին:

Այս մասին Դատախազության դիմաց իրականացվող բողոքի ակցիայի ժամանակ հայտնեց ՀՅԴ անդամ Գեղամ Մանուկյանը։

Նշենք, որ նիստը նշանակված է վաղը՝ ապրիլի 23-ին, ժամը 18:30-ին։

Հիշեցնենք, որ երեկ ուշ գիշերվանից իշխանությունները սկսել են քաղաքական հետապնդումները սյունեցիների և Սյունիքի տեղական ինքնակառավարման մարմինների ղեկավարների նկատմամբ: Ոստիկանները գիշերը Մեղրի խոշորացված համայնքի ղեկավար Մխիթար Զաքարյանի տուն են այցելել և հրավիրել Մեղրիի ոստիկանության բաժին: Այնուհետև նրան և պաշտպանին հրավիրել են Երևան: Այսօր արդեն Երևանում Մխիթար Զաքարյանին Քննչական կոմիտեում էր:  Պաշտպանը հայտնել էր, որ նա ձերբակալվել է: