կարևոր
1687 դիտում, 1 տարի առաջ - 2021-04-21 10:49

Փաշինյանը պատահականության սկզբունքով Շուռնուխում 2 տուն է մտել, համայնքապետին չի հանդիպել

Փաշինյանը պատահականության սկզբունքով Շուռնուխում 2 տուն է մտել, համայնքապետին չի հանդիպել

Շուռնուխի գյուղապետ Հակոբ Արշակյանը երեկ՝ ապրիլի 20-ին, Նիկոլ Փաշինյանի հետ չի հանդիպել։ Այդ մասին նա հայտնել է 24News-ին՝ հավելելով, որ նրա այցի մասին տեղյակ չի եղել։ 

«Ես չգիտեի, որ գալու է, ու չեմ հանդիպել։ Գիտեմ միայն, որ երկու տուն է այցելել։ Տներն այցելել է պատահականության սկզբունքով, այսինքն՝ դա էլ նախապես որոշված չի եղել, թե ում տուն պետք է մտնի», - փոխանցեց նա։

Հարցին, թե ի՞նչ ընդունելության է արժանացել Փաշինյանը կամ ի՞նչ է զրուցել գյուղացիների հետ, Արշակյանն արձագանքեց. «Ընդունելության մասին ոչինչ ասել չեմ կարող, չգիտեմ։ Միայն այն գիտեմ, որ տներից մեկի բնակիչներին, որ տեղահանվածներ են, ասել է՝ եթե հավաքեին պետության տված օժանդակությունը, կարող էին տուն ձեռք բերել»։

Հիշեցնենք, որՆիկոլ Փաշինյանը երեկ՝ ուշ երեկոյան, չհայտարարված այցով մեկնել է Սյունիք։ Ըստ լրատվամիջոցների տեղեկությունների՝ բացի Շուռնուխից՝ Փաշինյանն այցելել է նաև Կապան։