կարևոր
321 դիտում, 2 շաբաթ առաջ --> 2021-04-16 14:02

Հանրապետության նախագահ Արմեն Սարգսյանն այցելել է Վրաստանի խորհրդարան

Հանրապետության նախագահ Արմեն Սարգսյանն այցելել է Վրաստանի խորհրդարան

Պաշտոնական այցի երկրորդ օրը նախագահ Արմեն Սարգսյանը հանդիպել է Վրաստանի խորհրդարանի նախագահի հետ:

Արմեն Սարգսյանը հայտարարել է, որ Արցախի դեմ սանձազերծած պատերազմից ամիսներ անց Ադրբեջանը շարունակում է գերության մեջ պահել հայ զինծառայողներին ու քաղաքացիական անձանց՝ խախտելով միջազգային մարդասիրական իրավունքի բոլոր նորմերը:

Նախագահը նշել է, որ ներկայում մարտահրավերներով լի ժամանակներ են ամբողջ աշխարհում, այդ թվում՝ երկու երկրների համար:

«Կարծում եմ՝ ժամանակն է, որ երկուսս էլ մտածենք, թե ինչ քայլեր պետք է ձեռնարկել հանուն տարածաշրջանի կայունության, կանխատեսելիության եւ անվտանգության», - ընդգծել է Արմեն Սարգսյանը:

Վրաստանի խորհրդարանի նախագահն էլ նշել է, որ երկու երկրների համար շատ դինամիկ եւ հետաքրքիր ժամանակներ են, ու ներկայում կարեւոր պահ է մեր ժողովրդավարությունների ապագայի համար:

«Վստահ եմ, որ Հայաստանը եւ նրա ժողովուրդը կօգտագործեն այս համագործակցությունը եւ հնարավորությունը զարգանալու, նոր հեռանկարներ ստեղծելու, ժողովրդավարությունն ու տնտեսությունն ավելի ուժեղացնելու համար»,-ասել է Արչիլ Թալակվաձեն: