կարևոր
298 դիտում, 2 շաբաթ առաջ --> 2021-04-16 09:57

Գերիների հարցով աշխատանքային նոր խումբ կձևավորվի․ «Հրապարակ»

Գերիների հարցով աշխատանքային նոր խումբ կձևավորվի․ «Հրապարակ»

«Իմ քայլից» դուրս եկած, անկախ պատգամավոր Վարդան Աթաբեկյանը նախաձեռնում է գերիների հարցերով զբաղվող աշխատանքային խումբ ձևավորել, որի կազմում կընդգրկվեն «Իմ քայլից» հեռացած անկախ պատգամավորները, առաջարկ է արվել նաև ԱԺ ընդդիմադիր խմբակցություններին։

Երկուշաբթի նախնական քննարկում կլինի, և պարզ կդառնա, թե ովքեր են համաձայն առաջարկին, ովքեր՝ ոչ։ Կքննարկեն նաև ձևաչափի հարցերը։ Կհամագործակցեն Արցախում խաղաղապահ զորքերի հրամանատար Մուրադովի հետ, ով նաև գերիների վերադարձով է զբաղվում, որպեսզի հասկանան, թե ինչ բացթողումներ կան, ինչ պետք է արվի, որ չի արվում՝ գերիների վերադարձը հնարավորինս սեղմ ժամկետում կազմակերպելու համար։

Մեր տեղեկություններով, այդ հարցով ՀՀ օրենսդիրներին է դիմել նաև Արցախի ԱԺ նախագահ Արթուր Թովմասյանը՝ խնդրելով գործող ֆորմատ ստեղծել, որի հետ կհամագործակցեն նաև Արցախի պատգամավորները։ Ինչպես հայտնի է՝ Արցախի ընդդիմադիր շրջանակները մերժում են իշխանական ֆորմատները, չեն հանդիպում գերիների հարցերով զբաղվող հանձնաժողովի անդամ՝ պատգամավոր Նազելի Բաղդասարյանի հետ»,-գրում է թերթը։

Նյութն ամբողջությամբ կարդացեք թերթի այսօրվա համարում։