կարևոր
1288 դիտում, 1 տարի առաջ - 2021-04-15 14:42

Արցախի նախագահ Արայիկ Հարությունյանը կհարցաքննվի սահմանադրական կարգը տապալելու քրգործով

Արցախի նախագահ Արայիկ Հարությունյանը կհարցաքննվի սահմանադրական կարգը տապալելու քրգործով

Արցախի նախագահ Արայիկ Հարությունյանն առաջիկայում հարցաքննության է հրավիրվելու: Այս մասին տեղեկանում ենք Արցախի Հանրապետության դատախազությունից:

«Արցախի նախագահը հարցաքննության է հրավիրվելու Արցախի քրեական օրենսգրքի 312-րդ հոդվածի 1-ին մասով նախատեսված հանցագործության հատկանիշներով հարուցված քրեական գործով:

Հարցաքննության օրվա մասին կտրվի լրացուցիչ տեղեկություն»,-ասված է հաղորդագրությունում։

Արցախի Հանրապետության քրեական պրենսգրքով 312-րդ հոդվածը վերաբերում է Սահմանադրական կարգը տապալելուն.

Սահմանադրական կարգը տապալելը

1. Սահմանադրության 1-ին հոդվածի 1-ին մասով, 2-6-րդ հոդվածներով կամ 7-րդ հոդվածի 1-ին մասով նախատեսված որևէ նորմը փաստացի վերացնելը, որն արտահայտվում է իրավական համակարգում այդ նորմի գործողության դադարեցմամբ` պատժվում է ազատազրկմամբ` տասից տասնհինգ տարի ժամկետով:

2. Սույն հոդվածով նախատեսված հանցագործության նախապատրաստության փուլում դրան մասնակցող անձի կողմից հանցագործության նախապատրաստության մասին իրավապահ մարմիններին կամավոր հայտնած անձն ազատվում է սույն հոդվածով նախատեսված քրեական պատասխանատվությունից: