կարևոր
1146 դիտում, 1 տարի առաջ - 2021-04-15 11:05

Եվրոպական առաջին երկիրը հայտարարել է AstraZeneca պատվաստանյութի օգտագործումն ամբողջությամբ դադարեցնելու մասին

Եվրոպական առաջին երկիրը հայտարարել է AstraZeneca պատվաստանյութի օգտագործումն ամբողջությամբ դադարեցնելու մասին

Դանիան նախօրեին հայտարարել է Covid-19-ի դեմ AstraZeneca պատվաստանյութի օգտագործումն ամբողջությամբ դադարեցնելու մասին: Այս մասին հայտնում է France 24-ը:

Ի դեպ Դանիան դարձել է առաջին եվրոպական երկիրը, որն այդ քայլին է դիմել՝ հազվադեպ, բայց լուրջ կողմնակի ազդեցությունների կասկածների պատճառով։

«Դանիայում պատվաստումների արշավը կշարունակվի առանց AstraZeneca պատվաստանյութի»,- լրագրողներին հայտարարել է Դանիայի առողջապահության վարչության տնօրեն Սորեն Բրոսթրոմը։

Ըստ նրա առկա է պատվաստանյութից հետո թրոմբոզի առաջացման վտանգ, ինչը կարող է արձանագրվել AstraZeneca-ով պատվաստվելուց հետո մինչև տասը օրվա ընթացքում:

«Որոշումը կախված է համատեքստից։ Դանիայում ռիսկային գոտում գտնվող անձանց մեծ մասը պատվաստվել է, և համավարակը հսկողության տակ է»,- նշել է Բրոսթրոմը:

Դանիայի առողջապահության վարչությունը նաև ընդգծել է՝ «իրավիճակից կախված` կարող է կրկին կիրառել պատվաստանյութը»։

Հիշեցնենք, որ Հայաստանում արդեն սկսվել է AstraZeneca պատվաստանյութի պատվաստումները: