կարևոր
2556 դիտում, 1 տարի առաջ - 2021-04-15 10:51

Արամուսում 34-ամյա վարորդը ոչ սթափ վիճակում վրաերթի է ենթարկել ՊՆ 6 ծառայողի և դիմել փախուստի.կա 2 զոհ, 4 վիրավոր

Արամուսում 34-ամյա վարորդը ոչ սթափ վիճակում վրաերթի է ենթարկել ՊՆ 6 ծառայողի և դիմել փախուստի.կա 2 զոհ, 4 վիրավոր

Կոտայքի մարզում ապրիլի 15-ին՝ ժամը 01։00-ի սահմաններում, մահվան ելքով վրաերթ է տեղի ունեցել: Արամուս գյուղի Տիգրանաձորի խճուղում վարորդը վրաերթի է ենթարկել 6 հետիոտնի և նրանց թողնելով անօգնական՝ դիմել է փախուստի։

Shamshyan.com-ի հաղորդմամբ, 2-ը տեղում մահացել են, 4-ը՝ մարմնական վնասվածքներով տեղափոխվել են «Աբովյան» բժշկական կենտրոն։

Ոստիկանությունն ու քննչական բաժինը պարզում են մահացածների և վիրավորների ինքնությունը։  Փաստի առթիվ հարուցվել է քրեական գործ:

Աղբյուրի տեղեկություններով՝ մահացածները և վիրավորները ծառայում էին ՀՀ ՊՆ զորամասերից մեկում։

Վարորդը Կոտայքի մարզի բնակիչ՝ 34-ամյա Կարեն Միքայելյանն է։ Վերջինս ենթարկվել է սթափության փորձաքննության, պարզվել է՝ եղել է ոչ սթափ։ Վարորդը ձերբակալվել է։