կարևոր
1520 դիտում, 1 տարի առաջ - 2021-04-12 19:57

Պատրաստվում է ՀՀ ՄԻՊ-ի հատուկ հայտարարությունն Ադրբեջանում բացված «պուրակի» վերաբերյալ

Պատրաստվում է ՀՀ ՄԻՊ-ի հատուկ հայտարարությունն Ադրբեջանում բացված «պուրակի» վերաբերյալ

Մարդու իրավունքների պաշտպանի մամուլի խոսնակ Նունե Հովսեփյանը ֆեյսբուքյան գրառում է արել, որում ասվում է․

«Հաշվի առնելով լրատվամիջոցների հարցումները՝ տեղեկացնում ենք, որ պատրաստվում է ՀՀ մարդու իրավունքների պաշտպանի հատուկ հայտարարությունն Ադրբեջանում բացված այսպես կոչված «պուրակում» արցախյան պատերազմին առնչվող ցուցադրությունների վերաբերյալ:

Այս պահին միայն արձանագրում ենք, որ տեղի ունեցածն ապացուցում է այն, ինչ մշտապես հայտարարում է Մարդու իրավունքների պաշտպանը. խաղաղասիրությունը մեզ համար բարձրագույն արժեք է, բայց մենք չպետք է թույլ տանք, որ մեզ թմրեցնեն ադրբեջանական կեղծ խաղաղասիրությամբ. դա պարզապես շղարշ է` նախատեսված միջազգային հանրության համար»։

Նշենք, որ Բաքվում բացվել է, «Ռազմավարների պուրակ», որտեղ ցուցադրված են այն զինտեխնիկան ու սաղավարտները, որոնք Արցախի դեմ թուրք-ադրբեջանական դաշինքի սանձազերծած պատերազմից հետո մնացել են Ադրբեջանի զավթած տարածքներում:

Ներկայացված են նաեւ իբր ռուսական «Իսկանդեր-Մ» հրթիռների բեկորները, որոնք, Ադրբեջանի պնդմամբ, հայկական կողմն է արձակել Շուշիի ուղղությամբ: