կարևոր
666 դիտում, 9 ամիս առաջ - 2021-04-09 21:59

Վերջին 6 տարվա ընթացքում առաջին անգամ ոստիկանությունը ստիպված է եղել ջրցան մեքենա կիրառել Հյուսիսային Իռլանդիայում

Վերջին 6 տարվա ընթացքում առաջին անգամ ոստիկանությունը ստիպված է եղել ջրցան մեքենա կիրառել Հյուսիսային Իռլանդիայում

Կրքերը չեն հանդարտվում Հյուսիսային Իռլանդիայում: Վերջին 6 տարվա ընթացքում առաջին անգամ ոստիկանությունը ստիպված է եղել ջրցան մեքենա կիրառել:

Անցած գիշեր Բելֆաստում ցուցարարները հրավառ նյութերով ու փայտերով հարձակվել են իրավապահների վրա: Վերջին մեկ շաբաթում, բախումների հետեւանքով, արդեն ավելի քան 7 տասնյակ ոստիկան է վիրավորվել:

Ցուցարարների դժգոհությունն առաջացարել է դատախազության որոշումը՝ պատասխանատվության չենթարկել կաթոլիկների շահերը ներկայացնող «Շին Ֆեյն» կուսակցության ղեկավարներին, որոնք խախտել են կարանտինի պայմանները:

Անցած շաբաթ «Շին Ֆեյն»-ը Բելֆաստի կաթոլիկական թաղամասում աջակիցներից մեկի հուղարկավորությունն էր կազմակերպել՝ անտեսելով մարդաշատ հավաքներ անցկացնելու՝ կառավարության սահմանած արգելքը: Հյուսիսային Իռլանդիայում շարունակվող անկարգությունները բրիտանական եւ իռլանդական կառավարություններից բացի՝ դատապարտել է նաեւ Սպիտակ տունը: