կարևոր
1606 դիտում, 1 տարի առաջ - 2021-04-08 20:14

Պուտինն ու Ալիևը քննարկել են Արցախում տիրող իրավիճակը

Պուտինն ու Ալիևը քննարկել են Արցախում տիրող իրավիճակը

Մոսկվայից Փաշինյանի վերադարձից կարճ ժամանակ հետո Ռուսաստանի նախագահը հեռախոսազրույց է ունեցել Ադրբեջանի նախագահի հետ։ Պաշտոնական Կրեմլի հաղորդագրությունում չի նշվում, թե ում նախաձեռնությամբ է կայացել այդ զրույցը։

Համաձայն հաղորդագրության, հեռախոսազրույցի ընթացքում շարունակվել են Արցախի իրավիճակի, դրա հետագա կայունացման, Ռուսաստանի, Հայաստանի և Ադրբեջանի ղեկավարների 2020 թ. նոյեմբերի 9-ի եւ 2021 թ. հունվարի 11-ի հայտարարությունների շուրջ քննարկումները:

Մասնավորապես, բովանդակային քննարկվել են տարածաշրջանի խաղաղության, անվտանգության եւ առաջադեմ սոցիալ-տնտեսական զարգացման, ինչպես նաեւ տրանսպորտային հաղորդակցության վերականգնման ուղղությամբ աշխատանքների առաջընթացի խնդիրները:

Պաշտոնական Մոսկվայի հաղորդագրությունում հատուկ շեշտվում է, որ զրույցի ընթացքում «հաշվի են առնվել ապրիլի 7-ին Մոսկվայում կայացած ռուս-հայկական գագաթնաժողովի բանակցությունների արդյունքները»: Ինչ արդյունքների մասին է խոսքը, անհայտ է այս հայտարարության բովանդակությունից։ Նման արդյունքների մասին ոչինչ չի ասվել նաեւ Փաշինյանի հետ Պուտինի ունեցած հանդիպումից հետո։