կարևոր
1334 դիտում, 1 տարի առաջ - 2021-04-08 18:24

Դոնբասում տիրող լարված իրավիճակի վերաբերյալ հեռախոսազրույց են ունեցել Վլադիմիր Պուտինն ու Անգելա Մերկելը

Դոնբասում տիրող լարված իրավիճակի վերաբերյալ հեռախոսազրույց են ունեցել Վլադիմիր Պուտինն ու Անգելա Մերկելը

  
Դոնբասում տիրող լարված իրավիճակի վերաբերյալ հեռախոսազրույց են ունեցել Ռուսաստանի նախագահ Վլադիմիր Պուտինն ու Գերմանիայի կանցլեր Անգելա Մերկելը:

Կրեմլը հայտնում է, որ Պուտինն ուշադրություն է հրավիրել Կիեվի գործողությունների վրա, որոնք նպատակայնորեն սրում են իրավիճակը շփման գծում: Նաեւ նշվում է, թե 2 առաջնորդներն էլ ընդգծել են, որ Ուկրաինայի իշխանությունները պետք է իրականացնեն նախկինում ձեռք բերված պայմանավորվածությունները՝ առաջին հերթին Դոնեցկի ու Լուգանսկի հետ ուղղակի երկխոսություն հաստատելու եւ Դոնբասի հատուկ կարգավիճակն օրինականացնելու վերաբերյալ:

Իսկ ահա Գերմանիայի նախարարների կաբինետի ներկայացուցիչ Ուլրիկա Դեմմերը հայտնել է, որ Մերկելը Պուտինին հորդորել է նվազեցնել Ռուսաստանի ռազմական ներկայությունը Ուկրաինայի սահմանների մոտ:

Նշենք նաեւ, որ այսօր բուռն քննարկումների տեղիք է տվել Ռուսաստանի նախագահի աշխատակազմի ղեկավարի տեղակալ Դմիտրի Կոզակի ելույթը: Նա հայտարարել է, թե Ռուսաստանին կարող են ստիպել պաշտպանել իր քաղաքացիներին Դոնբասում:

Կոզակը նաեւ ասել է, որ եթե Կիևը ռազմական գործողություններ սկսի Դոնբասում, դա կլինի Ուկրաինայի վերջի սկիզբը: