կարևոր
1175 դիտում, 1 տարի առաջ - 2021-04-08 14:07

Բելֆաստի կենտրոնում ընդհարում է գրանցվել ոստիկանների ու բողոքի ակցիայի մասնակիցների միջեւ

Բելֆաստի կենտրոնում ընդհարում է գրանցվել ոստիկանների ու բողոքի ակցիայի մասնակիցների միջեւ

6-րդ գիշերն է՝ իրադրությունը Հյուսիսային Իռլանդիայում չի հանդարտվում:

Բելֆաստի կենտրոնում ընդհարում է գրանցվել ոստիկանների ու բողոքի ակցիայի մասնակիցների միջեւ, որոնք Հյուսիսային Իռլանդիայի՝ Մեծ Բրիտանիայի կազմում մնալու կողմնակից են: Մի խումբ դիմակավոր երիտասարդներ հարձակվել են ոստիկանության աշխատակիցների վրա, նրանց ուղղությամբ քարեր ու Մոլոտովի կոկտեյլներ նետել, հրդեհել ավտոբուս ու այլ անկարգությունների դիմել:

Բրիտանամետ ուժերի բողոքի գլխավոր պատճառը տեղական իշխանությունների վերջին գործողություններն են, որոնք հրաժարվել են տուգանել կաթոլիկների շահերը ներկայացնող «Շին Ֆեյն» կուսակցության ղեկավարներին՝ հակահամաճարակային կանոնների խախտման համար:

Անցած շաբաթ «Շին Ֆեյն»-ը Բելֆաստի կաթոլիկական թաղամասում աջակիցներից մեկի հուղարկավորությունն էր կազմակերպել՝ անտեսելով մարդաշատ հավաքներ անցկացնելու՝ կառավարության սահմանած արգելքը: Մեծ Բրիտանիայի վարչապետ Բորիս Ջոնսոնն արդեն հայտարարել է, որ խորապես մտահոգված է բռնության տեսարաններից:

«Տարաձայնությունների լուծման ուղին երկխոսությունն է եւ ոչ թե բռնությունը կամ հանցավորությունը»,-ասել է նա: