Փաշինյանի ընտանիքի քավորը կնշանակվի Տավուշի մարզպետ

Վաղը  կայանալիք կառավարության նիստում Փաշինյանը պատրաստվում է Տավուշի մարզպետի պաշտոնում առաջադրել իր քավորին, այժմ Իջեւանի քաղաքապետի պարտականությունները կատարող Հայկ Ղալումյանին։

Հարցն արդեն ընդգրկված է կառավարության նիստի օրակարգում։ Վերջինս 2019 թվական սեպտեմբերից զբաղեցնում է քաղաքապետի պաշտոնակատարի պարտականությունները, սակայն համայնքում ցածր վարկանիշ ունենալու պատճառով, արդեն 2-րդ տարին է, իրենց թեկնածուի հնարավորությունները հաշվի առնելով, Իջեւանում համայնքապետի ընտրություններ չէին նշանակվում։

Հայկ Ղալումյանը Նիկոլ Փաշինյանի մանկության ընկերն է ու հարսանիքի կնքահայրը։

Փաշինյանի իշխանության գալուց հետո Տավուշի մարզպետ դարձավ Հայկ Ղալումյանի եղբայրը՝ Վահե Ղալումյանը, որը կարճ պաշտոնավարեց եւ ընտրվեց «Իմ քայլի» ցանկով Ազգային Ժողովի պատգամավոր։ 

Հայկ և Վահե Ղալումյանների հայրը՝ Վոլոդյա Ղալումյանը, ՀՀԿ-ի՝ Տավուշի մասնաճյուղի հիմնադիրներից էր, 2001-2008 թթ., եղել է Տավուշի ընտրատարածքային ընտրական հանձնաժողովի նախագահը:

Հիշեցնենք՝ կառավարության նախորդ նիստում Տավուշի մարզպետ Հայկ Չոբանյանն ազատվեց պաշտոնից. նա նշանակվել է  Բարձր տեխնոլոգիական արդյունաբերության նախարար։