Ոստիկանությունը բերման ենթարկեց Փաշինյանի հրաժարականի պահանջով խաղաղ ակցիա իրականացնող կանանց

Երեւանում տեղի է ունեցել «ՎԵՏՕ» շարժման նախաձեռնած կանանց ակցիան. նրանք Շառլ Ազնավուրի հրապարակից քայլերթով հասել են Կառավարություն:

Կառավարության դիմաց մեծ թվով ոստիկանական ուժեր էին կենտրոնացած:

Ակցիայի մասնակիցներից մեկը, դիմելով ոստիկաններին, հայտարարեց. «Դուք ապահովում եք թուրքահպատակների անվտանգությունը, դուք ձեզ տղամարդ համարո՞ւմ եք: հորդորում ենք բացել ճանապարհը եւ թույլ տալ, որ մենք ներս մտնենք, այլապես մենք դա կանենք ինքնուրույն»:

Դրանից հետո ակցիայի մասնակիցները փորձեցին ճեղքել ոստիկանների շղթան, հրմշտոց սկսվեց, քանի որ ոստիկանները թույլ չէին տալիս մոտենալ կառավարության շենքի մուտքին:

Ոստիկանները սկսեցին բերման ենթարկել ակցիայի մասնակիցներին: