կարևոր
474 դիտում, 6 ամիս առաջ - 2021-04-06 23:19

Կոտայքի մարզում մոտ 25 տոննա կշռով ապառաժ քարերը թափվել և վնասել են Նուռնուս գյուղը սնուցող գազատար խողովակները

Կոտայքի մարզում մոտ 25 տոննա կշռով ապառաժ քարերը թափվել և վնասել են Նուռնուս գյուղը սնուցող գազատար խողովակները

Ժամը  17:50-ի սահմաններում Աբովյանի ԳԳՄ ահազանգ է ստացվել, որ քարաթափման հետևանքով վնասվել է Նուռնուս գյուղը սնուցող գազատար խողովակը, ինչի հետևանքով նաև սկսվել է գազի արտահոսք: 

Shamshyan.com-ի հաղորդամբ՝ Աբովյանի ԳԳՄ ծառայողները նախ դադարեցրել են գազամատակարարումը, իսկ այս պահին էլ Կոտայքի ճանշինի  և Արտակարգ իրավիճակների  նախարարության փրկարար ծառայության Կոտայքի մարզային փրկարարական վարչության օպերատիվ խումբը՝  խմբի պատասխանատու Գեղամ Ղազարյանի գլխավորությամբ, փորձում են միջոնցեր ձեռնարկել և մասամբ ճանապարհի եզրին հայտնված այդ մի քանի տոննա կշռով քարերը հեռացնել:

Կա նաև վտանգ, որ այլ ապառաժ քարեր նույնպես հնարավոր է թափվեն, քանի որ տեղանքում այդ քարերը թուլացել և ընկել են անձևրաջրերի պատճառով: Բարեբախտաբար,  քարաթափման ժամանակ նշված վայրով ավտոմեքենաներ չեն անցնել և տուժածներ չկան: Այս պահին Աբովյանի ԳԳՄ-ն հենասյուներն է վերանորոգում: Դեպքի վայր է ժամանել նաև Նուռնուսի  գյուղապետ Մնացական Գևորգյանը: