ուղիղ եթեր փակել
Այս պահին Երևանում
+25°
ощущаетվя как +19°C
բաց երկինք
9 մ/վ քամու ուժգնություն
արևածագ: 05:39
04.07.2022
USD 407.52 -0.43
GBP 494.73 +2.91
EUR 425.9 -0.45
GEL 142.49 +2.30
RUB 7.41 -0.05

Վերջին ավելացված հաղորդումներ

Ամենադիտվածներ

կարևոր
1263 դիտում, 1 տարի առաջ - 2021-04-06 18:17

Դատարանը հայտարարեց, որ գեներալներ Յուրի Խաչատուրովն ու Սեյրան Օհանյանն արդարացված են

Դատարանը հայտարարեց, որ գեներալներ Յուրի Խաչատուրովն ու Սեյրան Օհանյանն արդարացված են

Երեւան քաղաքի ընդհանուր իրավասության դատարանը՝ նախագահությամբ դատավոր Աննա Դանիբեկյանի, այսօր՝ ապրիլի 6-ին, հայտարարեց, որ Պաշտպանության նախկին նախարար, գեներալ-գնդապետ Սեյրան Օհանյանը և ՀԱՊԿ նախկին գլխավոր քարտուղար, գեներալ-գնդապետ Յուրի Խաչատուրովն  արդարացված են։ Նրանց նկատմամբ ընտրված խափանման միջոցները վերացվեցին։

Դատարանը որոշեց  Սեյրան Օհանյանի նկատմամբ ընտրված խափանման միջոցը՝ ստորագրություն չհեռանալու մասին, վերացնել։ Սեյրան Օհանյանի շարժական և անշարժ գույքի, ֆինանսական, դրամական միջոցների, բաժնետոմսերի, արժեթղթերի և ակտիվների վրա դրված կալանքը նույնպես վերացվեց։

Որոշվեց Յուրի Խաչատուրովի նկատմամբ ընտրված խափանման միջոց գրավը վերացնել: Կվերադարձվի նրա գրավի համար վճարված հինգ միլիոն դրամ գումարը: Յուրի Խաչատուրովի շարժական և անշարժ գույքի, ֆինանսական, դրամական միջոցների, բաժնետոմսերի, արժեթղթերի և ակտիվների վրա դրված կալանքը նույնպես վերացվեց։

Աննա Դանիբեկյանը հայտարարեց. «Սեյրան Օհանյանը և Յուրի Խաչատուրովը ձեռք են բերում արդարացվածի կարգավիճակ՝ հաշվի առնելով, որ վերջիններիս նկատմամբ մեղադրանք է առաջադրված եղել միայն ՀՀ ՔՕ 300.1 հոդվածի առաջին մասով, որով նրանց նկատմամբ քրեական հետապնդումը դադարեցվում է: Ռոբերտ Քոչարյանը և Արմեն Գևորգյանը արդարացվածի կարգավիճակ են ձեռք բերում մեղադրանքի համապատասխան մասով, որով նրանց նկատմամբ քրեական հետապնդումը դադարեցվել է՝ արդարացման հիմքով: Ռոբերտ Քոչարյանին և Արմեն Գևորգյանին առաջադրված մեղադրանքը մնացած մասով՝ մասնավորապես Ռոբերտ Քոչարյանին ՀՀ ՔՕ 311-րդ հոդվածի չորրորդ մասի երկրորդ կետով և Արմեն Գևորգյանին՝ ՀՀ ՔՕ 311-րդ չորրորդ մասի, 190-րդ հոդվածով առաջադրված մեղադրանքի մասով սույն քրեական գործի քննությունը շարունակվում է»:

Հիշեցնենք, որ մարտի 26-ին Սահմանադրական դատարանը (ՍԴ) Քրեական օրենսգրքի 300.1 հոդվածը ճանաչեց Սահմանադրության 78-րդ (համաչափության սկզբունքը) եւ 79-րդ (որոշակիության սկզբունքը) հոդվածներին հակասող եւ անվավեր։

Հիշեցնենք, որ ՀՀ ՔՕ 300.1 հոդվածով մեղադրանք էր առաջադրված Ռոբերտ Քոչարյանին, Յուրի Խաչատուրովին, Արմեն Գեւորգյանին, Սեյրան Օհանյանին։

Հիշեցնենք նաև՝ Ռոբերտ Քոչարյանի և մյուսների նկատմամբ քրեական հետապնդումը քիչ առաջ դադարեցվեց հանցակազմի բացակայության հիմքով։

բաժանորդագրվել
Նմանատիպ նյութեր

Լրահոս

բոլոր լուրերը

կայքի հին տարբերակը
Հրապարակումների արխիվ - կայքի նախկին տարբերակը

Հավելվածներ

Հետադարձ կապ

© 2022 YERKIRMEDIA.am Բոլոր իրավունքները պաշտպանված են։

Հեղինակային բոլոր իրավունքները պաշտպանված են: Կայքի նյութերը և լուսանկարները, մասնակի կամ ամբողջական օգտագործելիս, պարտադիր է YerkirMedia.am-ի գրավոր համաձայնությունը և YerkirMedia.am-ին հղումը (hyperlink): Կայքի նյութերի մասնակի կամ ամբողջական հեռուստառադիոընթերցումը, առանց YerkirMedia.am-ի գրավոր համաձայնության, արգելվում է: Կայքում հրապարակված նյութերը պարտադիր չէ, որ արտահայտեն YerkirMedia.am-ի խմբագրության տեսակետը: Գովազդների բովանդակության համար կայքը պատասխանատվություն չի կրում:
կայքի ստեղծումը և սպասարկումը՝
MAXARTS