կարևոր
1068 դիտում, 1 տարի առաջ - 2021-04-05 20:24

Երևան-Մեղրի ավտոճանապարհին բախվել են «VAZ-2107»,«Opel»-ը և «Volvo» մակնիշի բեռնատարը․ կան տուժածներ

Երևան-Մեղրի ավտոճանապարհին բախվել են «VAZ-2107»,«Opel»-ը և «Volvo» մակնիշի բեռնատարը․ կան տուժածներ

Ապրիլի 5-ին` ժամը 17։02-ին, Վայոց ձորի մարզային ճգնաժամային կառավարման կենտրոն ահազանգ է ստացվել, որ Վայք-Ջերմուկ ավտոճանապարհին տեղի է ունեցել ՃՏՊ․ կա տուժած։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ Երևան-Մեղրի ավտոճանապարհի մոտ 145-րդ կմ-ին բախվել են «VAZ-2107» (վարորդ՝ Ա․ Ս․, ծնված 1984 թ.), «Opel» (վարորդ՝ Ա․ Ս․, ծնված 1958 թ.) մակնիշների ավտոմեքենաները և «Volvo» մակնիշի բեռնատարը (վարորդ՝ Վ․ Կ․, ծնված 1979 թ.)։ «VAZ-2107» մակնիշի ավտոմեքենայի վարորդը և ուղևոր Ա․ Ս․-ն (ծնված 1982 թ.) ստացել են տարբեր աստիճանի մարմնական վնասվածքներ։

Փրկարարները տուժածներին դուրս են բերել ավտոմեքենայից և մոտեցրել շտապօգնության ավտոմեքենային․ վերջիններս հոսպիտալացվել են Վայք քաղաքի ԲՄ: Բժիշկները վարորդի առողջական վիճակը գնահատել են միջին ծանրության, իսկ ուղևորինը՝ բավարար: