կարևոր
1601 դիտում, 7 ամիս առաջ - 2021-04-02 16:08

Պեսկովը նշել է ապրիլի 7-ին Մոսկվայում կայանալիք Պուտին-Փաշինյան հանդիպման թեմաները

Պեսկովը նշել է ապրիլի 7-ին Մոսկվայում կայանալիք Պուտին-Փաշինյան հանդիպման թեմաները

Նիկոլ Փաշինյանն ապրիլի 7-ին աշխատանքային այց կկատարի Մոսկվա, որտեղ նախատեսված է հանդիպում՝ Ռուսաստանի նախագահ Վլադիմիր Պուտինի հետ: Այս մասին այսօր ռուսական լրատվամիջոցներին հայտնել է ՌԴ նախագահի մամուլի քարտուղար Դմիտրի Պեսկովը։

«Առաջին հերթին կքննարկվի եռակողմ պայմանավորվածությունների եւ փաստաթղթի իրականացման ընթացքը, որը վերջ դրեց Ղարաբաղում ռազմական գործողություններին»,-ասել է Կրեմլի ներկայացուցիչը:

Պեսկովը նշել է, որ հանդիպման ընթացքում Փաշինյանն ու Պուտինը կքննարկեն նաև Հայաստանի քաղաքական իրավիճակը, ընտրական գործընթացի, ինչպես նաև Անդրկովկասում տրանսպորտային ենթակառուցվածքների ապաշրջափակման հետ կապված հարցեր:

Հիշեցնենք, որ վարչապետի մամուլի խոսնակ Մանե Գեւորգյանն ավելի վաղ հայտնել էր, որ Նիկոլ Փաշինյանը ապրիլի 2-ից ինքնամեկուսացման ռեժիմում է։