կարևոր
1000 դիտում, 1 տարի առաջ - 2021-04-01 22:55

Երևանում ՌԴ փոխվարչապետ Ալեքսեյ Օվերչուկը հանդիպել է Մհեր Գրիգորյանի և Նիկոլ Փաշինյանի հետ

Երևանում ՌԴ փոխվարչապետ Ալեքսեյ Օվերչուկը հանդիպել է Մհեր Գրիգորյանի և Նիկոլ Փաշինյանի հետ

Այսօր Երևանում նախ կայացել է Հայաստանի, Ռուսաստանի և Ադրբեջանի եռակողմ աշխատանքային խմբում հայկական և ռուսական կողմերը ներկայացնող փոխվարչապետերի հանդիպումը: ՀՀ փոխվարչապետ Մհեր Գրիգորյանը և ՌԴ փոխվարչապետ Ալեքսեյ Օվերչուկը քննարկվել են քննարկել են Հայաստանի, Ռուսաստանի և Ադրբեջանի փոխվարչապետների գլխավորությամբ ստեղծված աշխատանքային խմբի և փորձագիտական խմբերի գործունեությունը: Մասնավորապես՝ Արցախի բնակիչներին ուղղված հումանիտար աջակցության հարցերը, ինչպես նաև երկու երկրների միջև տնտեսության, էներգետիկայի, տրանսպորտի, գյուղատնտեսության, ենթակառուցվածքների և առողջապահության ոլորտներում համագործակցության խորացման հեռանկարները: Անդրադարձ է կատարվել նաև փոխվարչապետների համանախագահությամբ գործող եռակողմ աշխատանքային խմբի և առնչվող հարցերին: 

Այնուհետև, Ռուսաստանի Դաշնության կառավարության նախագահի տեղակալ՝ փոխվարչապետ Ալեքսեյ Օվերչուկը Նիկոլ Փաշինյանի հետ հանդիպման ընթացքում քննարկել են «տարածաշրջանային կոմունիկացիոն ենթակառուցվածքների ապաշրջափակման հնարավորություններին և այս ուղղությամբ տարվող աշխատանքներին վերաբերող հարցեր»,–ասվում է վարչապետի մամուլի ծառայության տարածած հաղորդագրության մեջ։

Ինչպես հայտնել էինք, այսօր ՌԴ փոխվարչապետ Ալեքսեյ Օվերչուկը Բաքվում հանդիպել է Իլհամ Ալիևի հետ: Ադրբեջանի նախագահի հետ հանդիպմանն Օվերչուկն  ասել է, որ որոշակի առաջընթաց կա եռակողմ խմբի աշխատանքում: