կարևոր
967 դիտում, 1 տարի առաջ - 2021-04-01 22:54

Ռուսաստանի և Ադրբեջանի նախագահներն այսօր կայացած հեռախոսազրույցի ընթացքում քննարկել են իրավիճակն Արցախում

Ռուսաստանի և Ադրբեջանի նախագահներն այսօր կայացած հեռախոսազրույցի ընթացքում քննարկել են իրավիճակն Արցախում

«Իրավիճակը Լեռնային Ղարաբաղում ընդհանուր առմամբ կայուն է, իսկ հրադադարի ռեժիմը անվերապահորեն պահպանվում է», - այսօր կայացած Պուտին-Ալիև հեռախոսազրույցի մասին հաղորդում է Կրեմլի մամուլի ծառայությունը։

Անդրադարձ է կատարվել ՌԴ փոխվարչապետ Ալեքսեյ Օվերչուկի հետ Բաքվի հանդիպմանը, և ամփոփվել են Հայաստանի, Ռուսաստանի և Ադրբեջանի եռակողմ հայտարարությունների համապատասխան կատարված աշխատանքները տնտեսական կապերի հաստատման և տրանսպորտային հաղորդակցության ուղղությամբ: Նախագահները դրական են գնահատել երեք երկրների փոխվարչապետերի մասնակցությամբ գործող աշխատանքային խմբի գործունեությունը:

Երկրների ղեկավարները վերահաստատել են  ռուս-ադրբեջանական ռազմավարական գործընկերության ամրապնդումը և փոխշահավետ նախագծերը խթանելու իրենց փոխադարձ տրամադրվածությունը: