կարևոր
695 դիտում, 6 ամիս առաջ - 2021-04-01 19:35

Երեւանի բնակարաններից մեկում հայտնաբերվել են մոր եւ դստեր դիերը․ ՔԿ-ն պարզում է նրանց մահվան հանգամանքները

Երեւանի բնակարաններից մեկում հայտնաբերվել են մոր եւ դստեր դիերը․ ՔԿ-ն պարզում է նրանց մահվան հանգամանքները

Կեսգիշերին Երեւան քաղաքի Ռուբինյանց փողոցի բնակարաններից մեկում հայտնաբերվել են 26-ամյա մոր եւ նրա 7-ամյա դստեր դիերը։ ՔԿ–ի հաղորդմամբ՝ նրանց մարմինների վրա բռնության հետքեր չեն հայտնաբերվել:

Համաձայն վերջիններիս մահվան մասին բժշկական վկայականի պատճենների՝ նրանց մահվան պատճառը եղել է «Օրգանիզմի սուր թունավորումը՝ ածխածնի մոնոօքսիդով»:

Դեպքի առթիվ հարուցվել է քրեական գործ՝ ՀՀ քրեական օրենսգրքի 279-րդ հոդվածի (անվտանգության պահանջներին չհամապատասխանող ապրանքներ թողարկելը կամ իրացնելը, աշխատանքներ կատարելը կամ ծառայություններ մատուցելը) 3-րդ մասով:

Նշանակվել են դիակի դատաբժշկական եւ դատատեխնիկական փորձաքննություններ, կատարվում են քննչական եւ դատավարական այլ գործողություններ՝ դեպքի բոլոր հանգամանքները պարզելու ուղղությամբ: