կարևոր
1171 դիտում, 1 տարի առաջ - 2021-04-01 18:13

Այսօր Լավրովն առանձին հանդիպումներ կունենա Հայաստանի և Ադրբեջանի արտգործնախարարների հետ

Այսօր Լավրովն առանձին հանդիպումներ կունենա Հայաստանի և Ադրբեջանի արտգործնախարարների հետ

Ռուսաստանի արտգործնախարար Սերգեյ Լավրովը ԱՊՀ արտգործնախարարների խորհրդի նիստի շրջանակում առանձին հանդիպումներ կունենա Հայաստանի և Ադրբեջանի արտգործնախարարներ Արա Այվազյանի և Ջեյհուն Բայրամովի հետ։ Այս մասին այսօր ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

«Նախատեսվում է երկկողմ համագործակցությանը վերաբերող հարցերի քննարկում, Լեռնային Ղարաբաղի իրավիճակը, Ռուսաստանի, Հայաստանի և Ադրբեջանի ղեկավարների միջև 2020 թվականի նոյեմբերի 9-ին և հունվարի 11-ին ձեռք բերված պայմանավորվածությունների իրականացման ընթացքը»,- նշել է Զախարովան:

Բացի այդ, կողմերը կքննարկեն տարածաշրջանային և միջազգային մի շարք հարցեր։

Նշենք, որ ապրիլի 2-ին Մոսկվայում տեղի է ունենալու ԱՊՀ երկրների արտգործնախարարների խորհրդի նիստը, որին մասնակցելու համար էլ Ռուսաստան է մեկնել Արա Այվազյանը: