կարևոր
1039 դիտում, 1 տարի առաջ - 2021-03-31 13:22

Բաթումիի բնակիչները դեմ են լողափը թուրքական ընկերությանը փոխանցելուն

Բաթումիի բնակիչները դեմ են լողափը թուրքական ընկերությանը փոխանցելուն

Բաթումիի բնակիչները նախօրեին մեծ աղմուկ են բարձրացրել՝ դեմ արտահայտվելով սեւծովյան այդ քաղաքի լողափը թուրքական մասնավոր ընկերությանը փոխանցելու իշխանությունների ծրագրերին:

Օրերս Բաթումիի քաղաքապետարանը հավանության էր արժանացրել սկանդալային նախագիծը, որի համաձայն՝ 3380 քառ.մետր մակերեսով լողափը 15 տարով վարձով է տրվելու թուրքական Batumi Tower ընկերությանը: Որոշումը պետք է հաստատեր նաեւ քաղաքային խորհուրդը:

Սակայն երեկվա նիստի ժամանակ ընդդիմության ներկայացուցիչները, բնակիչներն ու անգամ Բաթումիի լողափնյա պուրակի ղեկավարը հավաքվել էին քաղխորհրդի շենքի մոտ, հայտարարել, որ լողափը հասարակական վայր է եւ պետք է հասանելի լինի բոլորին:

Հավաքվածները փորձել են շենք ներխուժել: Ոստիկանները թույլ չեն տվել: Ամեն դեպքում, բարձրացված աղմուկի պատճառով նիստն ընդհատվել է: Ընդիմջումից հետո էլ Բաթումիի քաղխորհրդի նախագահ Սուլիկո Թեբիձեն հայտարարել է, որ վիճելի հարցը ժամանակավորապես օրակարգից հանվել է: