կարևոր
1280 դիտում, 1 տարի առաջ - 2021-03-31 11:01

Անդրանիկ Սիմոնյանը նշանակվել է ՀՀ ԱԱԾ տնօրենի տեղակալ

Անդրանիկ Սիմոնյանը նշանակվել է ՀՀ ԱԱԾ տնօրենի տեղակալ

Մի քանի օր քննչական կոմիտեի նախագահի տեղակալ, դրանից հետո՝ ԱԱԾ պետի տեղակալ նշանակվելու պրակտիկան շարունակվում է։

Այս անգամ նման փոխատեղումներով ԱԱԾ պետի տեղակալ է նշանակվել Քննչականում 5 օր պաշտոնավարած նախկին դատավոր Անդրանիկ Սիմոնյանը։ Նրա նշանակման մասին nախագահի հրամանագիրը հրապարկվել է այսօր։

Անդանիկ Սիմոնյանի փոխատեղման մասին տեղեկություններ շրջանառվում էին դեռ մի քանի օր առաջ, մինչեւ նրա քննչականում հայտնվելը։ Նշվում էր, որ նա է փոխարինելու ԱԱԾ պետ Արմեն Աբազյանին։

Անվտանգության ծառայությունից Աբազյանի պաշտոնանկության մասին տեղեկությունները հերքում էին, սակայն հիմա ոչ պաշտոնական լուրերը կիսով չափ հաստատված են։

Հիշեցնենք, որ 2020թ. մայիսի 4-ին էլ Արգիշտի Քյարամյանն էր նշանակվել Քննչականի պետի տեղակալ, մեկ օր անց արդեն մայիսի 5-ին դարձել ԱԱԾ պետի տեղակալ, իսկ 3 օր անց Քյարամյանը ԱԱԾ պետն էր։ Պատերազմի օրերին, հոկտեմբերի 8-ին նա անակնկալ պաշտոնազրկվեց, բայց մշտապես ներկա էր Արցախում, որը բազում հարցեր էր առաջացրել։ Քյարամյանը հիմա կրկին զբաղեցնում է Քննչականի պետի տեղակալի պաշտոնը։