կարևոր
1002 դիտում, 1 տարի առաջ - 2021-03-31 10:44

Ոստիկանները հայտնաբերել են Լրագրողի արձանը վնասած անձանց. նրանք ձերբակալվել են

Ոստիկանները հայտնաբերել են Լրագրողի արձանը վնասած անձանց. նրանք ձերբակալվել են

Երևանում Լրագրողի արձանը վնասած անձինք ձերբակալվել են: Այս մասին տեղեկացնում է ՀՀ ոստիկանությունը:  

ՀՀ ոստիկանության Նոր Նորքի բաժին մարտի 25-ին հաղորդում էր ստացվել այն մասին, որ Նոր Նորքի 1-ին զանգվածում գտնվող Սուրբ Աստվածածին եկեղեցու բակից գողացել են Լրագրողի բրոնզաձույլ արձանը: Մարտի 30-ին, ժամը 14.30-ին, ոստիկանության Երևան քաղաքի վարչության քրեական հետախույզների, ՊՊԾ գնդի 3-րդ հատուկ գումարտակի և Նոր Նորքի բաժնի ծառայողների համատեղ միջոցառումների արդյունքում Արցախի և Արին Բերդի փողոցների խաչմերուկում հայտնաբերվել և, գողություն կատարելու կասկածանքով, բաժին բերման են ենթարկվել 45 և 42 տարեկան երկու տղամարդ՝ «Միցուբիշի» ավտոմեքենայով հանդերձ։

Ձեռնարկվում են միջոցառումներ՝ գողոնը հայտնաբերելու ուղղությամբ: Բերման ենթարկվածները ձերբակալվել են:  Կատարվում է նախաքննություն: