կարևոր
1152 դիտում, 1 տարի առաջ - 2021-03-29 23:04

Ավստրալիան կրկին հայտ է ներկայացրել Օլիմպիական խաղերը հյուրընկալելու համար

Ավստրալիան կրկին հայտ է ներկայացրել Օլիմպիական խաղերը հյուրընկալելու համար

Ավստրալիայի Քվինսլենդ նահանգի Բրիսբեն քաղաքի  խորհուրդը պաշտոնական հայտ կներկայացնի ՄՕԿ՝  2032թ. ամառային Օլիմպիական խաղերն անցկացնելու համար: Այս մասին գրում է ՀԱՕԿ-ը:

Այդ երկրի  ԱՕԿ-ի ղեկավար Ջոն Քոութսն ասել է,  դա չի նշանակում, որ Բրիսբենն արդեն կդառնա օլիմպիական մայրաքաղաք: Անհրաժեշտ է շարունակել տարածաշրջանի ենթակառուցվածքների բարելավման և հետագա նախապատրաստական  աշխատանքները: Ամեն բան պարզ կդառնա առաջիկա հուլիսի 20-21-ը նախատեսված միջազգային օլիմպիական կոմիտեի  նստաշրջանում:

Բրիսբենն առայժմ  միակ հավակնորդն է և ՄՕԿ-ի գործկոմը  փետրվարի 25-ին կայացած նիստում, այն անվանել է   գերակա տարբերակ: Հաղթելու դեպքում  Ավստրալիան երրորդ անգամ կհյուրընկալի օլիմպիական խաղեր: Առաջինն անցկացվել է Մելբուռնում՝ 1956թ.  իսկ երկրորդը ՝ Սիդնեյում ՝ 2000թ.: