կարևոր
1188 դիտում, 1 տարի առաջ - 2021-03-29 18:53

Ռոբերտ Քոչարյանի փաստաբանները նոր միջնորդություն են ներկայացրել դատարան

Ռոբերտ Քոչարյանի փաստաբանները նոր միջնորդություն են ներկայացրել դատարան

Երեւանի ընդհանուր իրավասության դատարանը պարտավոր էր այսօր հրատապ նիստ հրավիրել ու Ռոբերտ Քոչարյանի եւ մյուսների նկատմամբ քրեական հետապնդումը դադարեցնել։ Այս մասին հայտարարել է Քոչարյանի պաշտպանական թիմի անդամ Հայկ Ալումյանը:

Սահմանադրական դատարանի որոշման հիմքով, ըստ  փաստաբանի, դատախազներն էլ պարտավոր են մեղադրանքից հրաժարվել: Հանրապետության 2-րդ նախագահի փաստաբանական թիմը, սակայն, չի սպասել  հետապնդում իրականացնող մարմինների գործողություններին եւ դեռ մարտի 27-ին է քրեական հետապնդումը դադարեցնելու միջնորդություն ներկայացրել դատարան:

Հիշեցնենք, որ Սահմանադրական դատարանը հակասահմանադրական եւ անվավեր է ճանաչել՝ սահմանադրական կարգի տապալման հոդվածը, որի հիման վրա էլ կառուցվել էր Ռոբերտ Քոչարյանին, Սեյրան Օհանյանին, Յուրի Խաչատուրովին եւ Արմեն Գեւորգյանին ուղղված մեղադրանքը: Գործով անցնող ամբաստանյալների փաստաբանների պնդմամբ Բարձր դատարանի այս որոշումից հետո քրեական գործը պետք է կարճվի:

Իսկ Երեւանի ընդհանուր իրավասության դատարանում առաջիկա դատը վաղն է՝ մարտի 30-ին: