կարևոր
1154 դիտում, 1 տարի առաջ - 2021-03-29 18:33

1993 թվականի մարտի 27-ին Տոնաշենի ազատագրմամբ «Եղնիկներ»-ը միացավ Արցախյան բանակին (ՏԵՍԱՆՅՈւԹ)

Մարտի 27-ին լրացել է Հյուսիսային Արցախի կարեւոր բնակավայրերից մեկի՝ Տոնաշենի ազատագրման օրը։ Շահումյանի անկումից հետո մեկ տարի անց՝ արդեն 1993-ին Շահեն Մեղրյանի հրամանատարությամբ ձեւավորվել էր պարտիզանական առաջին ջոկատը, որը պայքար էր սկսել թշնամու թիկունքում։

Հետո արդեն այդ միավորումը պետք է կոչվեր «Եղնիկներ», ավելի ուշ էլ դարձել է լեգենդար զորամիավորում, որը փայլել է նաեւ Արցախյան վերջին պատերազմում՝ անառիկ պահելով Հյուսիսային Արցախի սահմանները։

Մեր գործընկերուհի Անի Ռափյանը 3 տարի առաջ է պատրաստել Տոնաշենի ազատագրման մասին ներկայացվող տեսանյութը։ Այդ ժամանակ որեւէ մեկը չէր էլ կարող պատկերացնել, որ կանցնեն տարիներ, ու տեսանյութում, իբրեւ 90-ականների սերնդի ձեռբերում ներկայացվող ազատագրված տարածքների մի մասն արդեն 2020 թվականին Փաշինյանի ստորագրած կապիտուլացիոն հայտարարության հետեւանքով առանց մեկ կրակոցի տրվելու է թշնամուն։