կարևոր
1115 դիտում, 1 տարի առաջ - 2021-03-29 16:50

Իրավապաշտպանները հայտնել են Մյանմայում ընդհարումների հետեւանքով ավելի քան 450 մարդու մահվան մասին

Իրավապաշտպանները հայտնել են Մյանմայում ընդհարումների հետեւանքով ավելի քան 450 մարդու մահվան մասին

Մյանմայում բողոքի ակցիաների մասնակիցների եւ ուժային գերատեսչությունների աշխատակիցների միջեւ տեղի ունեցած ընդհարումների հետեւանքով փետրվարի 1-ից ի վեր զոհվածների թիվը հասել է 459-ի: Մարտի 29-ին այդ մասին իր Twitter-ում հայտնել է Մյանմայի Քաղաքական բանտրակյալների օգնության ասոցիացիան, հաղորդում է ՏԱՍՍ-ը:

Ասոցիացիայի տվյալներով՝ փետվարի 1-ից ձերբակալվել է 2 559 քաղաքացի, իսկ 119-ի նկատմամբ տրվել է կալանագիր: Ավելի վաղ The Irrawaddy հրատարակությունը հայտնել է, որ մարտի 27-ին Մյանմայի տարբեր քաղաքներում բողոքները ցրելիս զոհվել է առնվազն 102 մարդ:

Զանգվածային լրատվամիջոցների տեղեկություններով՝ բողոքների ամբողջ ժամանակամիջոցում զոհերի ընդհանուր թիվը հասել է 429-ի:

Մյանմայի զինվորականները փետրվարի 1-ից հայտարարել են մեկ տարով արտակարգ դրություն սահմանելու եւ երկրի ղեկավարությանը պաշտոնանկ անելու մասին: Բանակի ներկայացուցչիները դա բացատրել են 2020 թվականի նոյեմբերին կայացած ընտրություններում ընդգրկուն կեղծարարություններով: