կարևոր
1051 դիտում, 9 ամիս առաջ - 2021-03-27 18:28

Շիրակի մարզում ճակատ-ճակատի բախվել են «07»-ն ու բեռնատար Volvo-ն. կա 1 զոհ, 1 վիրավոր

Շիրակի մարզում ճակատ-ճակատի բախվել են «07»-ն ու բեռնատար Volvo-ն. կա 1 զոհ, 1 վիրավոր

Այսօր խոշոր ու ողբերգական ավտովթար է տեղի ունեցել Շիրակի մարզում։ Ժամը 15։00-ի սահմաններում Երևան-Գյումրի-Բավրա ավտոճանապարհի 140 կմ-ին՝ Աշոցքի տարածաշրջանի Ցողամարգ գյուղի վարչական տարածքում, ճակատ-ճակատի բախվել են «ՎԱԶ 2107» մակնիշի ավտոմեքենան և «Volvo» մակնիշի  բեռնատարը, տեղեկացնում է Shamshyan.com–ը։

Վթարի հետևանքով 1 մարդ տեղում մահացել է, ևս մեկը օպերատիվորեն ժամանած Աշոցքի հիվանդանոցի բժիշկների կողմից նախ տեղում առաջին բուժօգնությունն է ստացել, ապա տեղափոխվել Գյումրու բժշկական կենտրոն։

Ոստիկանությունն ու քննչական բաժինը պարզում են վարորդների, մահացածի և վիրավորի ինքնությունը։ Կայքի տեղեկություններով՝ ճանապարհին ձյուն է տեղացել և բուք է եղել, սակայն տեղի ճանշինը կատարել էր ճանապարհի մշակման աշխատանքներ, սակայն «07»-ը դուրս է եկել հանդիպակաց գոտի և բախվել բեռնատարին։ Մահացածը 59-ամյա կին է, ով «07»-ի ուղևորն է եղել։

Նյութն ամբողջությամբ կարդացեք սկզբնաղբյուրում։