կարևոր
901 դիտում, 1 տարի առաջ - 2021-03-26 19:55

Կարապետյանը մեկնարկում է ձյուդոյի Թբիլիսիի վարկանիշային մրցաշարում

Կարապետյանը մեկնարկում է ձյուդոյի Թբիլիսիի վարկանիշային մրցաշարում

Հայաստանի ձյուդոյի հավաքականի անդամ Ֆերդինանդ Կարապետյանը մեկնարկում է Թբիլիսիի վարկանիշային մրցաշարում:

Այս մասին հայտնում է ՀԱՕԿ-ը: Վրաստանի մայրաքաղաք Թբիլիսիում  այսօր մեկնարկեց ձյուդոյի  Մեծ սաղավարտ անվանումով   միջազգային վարկանիշային  հերթական մրցաշարը: Հայտավորված են 80 երկրների շուրջ 500   պատվիրակներ: Նրանց թվում է 73կգ քաշային Ֆերդինանդ Կարապետյանը: Նա տատամի կելնի մարտի 27-ին և առաջին գոտեմարտում կպայքարի Իսրայելից Իդո Լևինի դեմ:

Ֆերդինանդ Կարապետյանն այժմ  ունի 1552 միավոր և իր քաշային կարգի (73 կգ) վարկանիշային ցանկում 38 - րդն է:  Նոր մրցակարգով,  Տոկիոյի խաղերում,  յուրաքանչյուր քաշային կարգում  կհայտավորվի 18 մարզիկ: Մասնակիցների աշխարհագրությունը ընդլայնելու նպատակով  մայրցամաքային միությունը կհատկացնի ևս 100 տեղ, որից 13 –ը ՝ եվրոպացիներին, և որից երեքը ՝ 73 կգ քաշայիններին: Oլիմպիական խաղեր մեկնող ձյուդոիստների վերջնական ցանկը կհրապարակվի հունիսի 30-ին: