կարևոր
1554 դիտում, 1 տարի առաջ - 2021-03-26 19:16

Ռոբերտ Քոչարյանի փաստաբանական թիմը, միջազգային հեղինակավոր կառույցներ այս գործի հակա-սահմանադրականության վերաբերյալ կարծիք են հայտնել նրա կալանավորման առաջին իսկ օրից

Ռոբերտ Քոչարյանի փաստաբանական թիմը, միջազգային հեղինակավոր կառույցներ այս գործի հակա-սահմանադրականության վերաբերյալ կարծիք են հայտնել նրա կալանավորման առաջին իսկ օրից

ՀՀ երկրորդ նախագահ Ռոբերտ Քոչարյանը ֆեյսբուքյան իր էջում անդրադառնալով ՀՀ Սահմանադրական դատարանի որոշմանը հետեւյալ գրառումն է կատարել.  

«Քիչ առաջ ՀՀ Սահմանադրական դատարանն անվավեր և հակասահմանադրական է ճանաչել ՀՀ քրեական օրենսգրքի 300․1 հոդվածը, որը Սահմանադրական կարգի ենթադրյալ տապալման գործի հիմքն էր։

Սահմանադրական դատարանը սահմանել է, որ 300․1 հոդվածը հակասում է Սահմանադրության 78 և 79-րդ հոդվածներին։ ՍԴ որոշումը վերջնական է և ուժի մեջ է մտնում հրապարակման պահից։

Ռոբերտ Քոչարյանի փաստաբանական թիմը, միջազգային հեղինակավոր կառույցներ այս գործի հակասահմանադրականության վերաբերյալ մասնագիտական կարծիք են հայտնել երկրորդ նախագահի ապօրինի կալանավորման առաջին իսկ օրից։

Այս հակասահմանադրական գործի պատճառով նախագահ Քոչարյանը 537 օր ապօրինի կերպով զրկված է եղել ազատությունից»,- նշված է Ռոբերտ Քոչարյանի ֆեսյբուքյան էջում։

Հիշեցնենք, որ մարտի 26-ին ՍԴ–ն հակասահմանադրական և անվավեր է ճանաչել Ռոբերտ Քոչարյանին առաջադրված մեղադրանքի հիմք դարձած ՀՀ ՔՕ 300.1 հոդվածը