կարևոր
1313 դիտում, 1 տարի առաջ - 2021-03-24 15:34

ԶԳՈւՇԱՑՈւՄ․ համացանցում տիրանում են էլփոստի տվյալներին և հրապարակում «զոհի» լուսանկարները

ԶԳՈւՇԱՑՈւՄ․ համացանցում տիրանում են էլփոստի տվյալներին և հրապարակում «զոհի» լուսանկարները

Անձնական տվյալների պաշտպանության գործակալությունը հայտարարություն է տարածել՝ տեղեկացնելով, որ համացանցում կեղծիքի են դիմում ու տիրանում օգտատերերի էլ. փոստի հասցեին, այնուհետև առցանց պահվող նկարները հրապարակում են սոցիալական ցանցերում։

«Հարգելի՛ քաղաքացիներ, համացանցում նոր խաբեություն է տարածվում, որի միջոցով կեղծիքի են դիմում ու տիրանում օգտատերերի էլ. փոստի հասցեին, այնուհետև առցանց պահվող նկարները հրապարակում են սոցիալական ցանցերում։

Կեղծարարաները օնլայն աշխատանք են առաջարկում ու ինչ-որ կարգավորում անելու պատրվակով վերցնում են «զոհի» էլ. փոստի հասցեն ու գաղտնաբառը, իսկ դրանց մուտք ունենալով հասանելություն են ստանում նկարներին։

Նրանք կարող են անձնական բնույթի նկարները չհրապարակելու դիմաց գումար փորձել կորզել։

✅Ոչ մի դեպքում մի տրամադրեք ձեր գաղտնաբառը այլ մարդկանց։

✅Օգտագործեք բարդ գաղտնաբառ։

✅Միևնույն գաղտնաբառը մի օգտագործեք մեկից ավելի հարթակներում։

✅Միացրեք երկփուլային վավերացում ֆունկցիան, որը պաշտպանում է ձեր հաշիվը, եթե անգամ գաղտնաբառը հայտնվի մեկ այլ մարդու մոտ։

✅Կասկածով մոտեցեք բոլոր այն առաջարկներին, որոնք ենթադրում են հեշտ ճանախարհով գումար վաստակել»,-նշվում է հայտարարությունում։