կարևոր
1433 դիտում, 1 տարի առաջ - 2021-03-23 14:21

Արցախյան պատերազմում ճակատագրական բեկում է եղել հարավային ուղղությամբ. Մովսես Հակոբյան

Արցախյան պատերազմում ճակատագրական բեկում է եղել հարավային ուղղությամբ. Մովսես Հակոբյան

Արցախյան պատերազմում ճակատագրական բեկում է եղել հարավային ուղղությամբ: Պատերազմի առաջին օրերին, Սամվել Բաբայանի նախաձեռնությամբ ու Նիկոլ Փաշինյանի հաստատմամբ, ռազմական գործողությունը, որի հետեւանքով բացվել է հարավային ուղղությունը, ուղղակի փլուզվել է եւ ոչնչացվել է ռեզերվը եւ հնարավոր չի եղել հետագայում պաշտպանական գիծն ամուր պահել։ Այս մասին մամուլի ասուլիսում հայտարարել է Հայաստանի գլխավոր շտաբի նախկին պետ եւ ռազմական նակին տեսուչ Մովսես Հակոբյանը։

Կոնկրետ օրը նա չի նշել, սակայն այդ մասին տեւական ժամանակ արդեն հանրության լայն շրջանակում կային խոսակցույթուններ։

Ի դեպ, պահպանված է նաեւ Նիկոլ Փաշինյանի՝ հոկտեմբրի 6-ի ֆեյսբուքյան գրառումը, որով տեղեկացրել է Արցախ մեկնելու մասին։ «Երեկ Արցախում էի։ Արցախի նախագահ Արայիկ Հարույթունյանի եւ Զինված ուժերի բարձրագույն սպայակազմի հետ քննարկել ենք հակառակորդին արժանի հակաահաբեկչական հարված հասցնելու հետագա քայլերը», -գրառել էր Փաշինյանը։

Ի դեպ, պատերազմի օրերին դա եղել է Փաշինյանի Արցախ կատարած միակ այցը։