կարևոր
1411 դիտում, 1 տարի առաջ - 2021-03-20 21:17

Արմեն Սանամյանը կգլխավորի Կանանց Հայաստանի Ֆուտբոլի ազգային հավաքականը

Արմեն Սանամյանը կգլխավորի Կանանց Հայաստանի Ֆուտբոլի ազգային հավաքականը

55-ամjա Արմեն Սանամանը կգլխավորի կանանց Հայաստանի ֆուտբոլի ազգային հավաքականը։ Այս մասին հայտնում է Հայաստանի ֆուտբոլի ֆեդերացիան։

Հաշվի առնելով ղազախական «Ատիրաու» ակումբում զբաղվածությունը և անհամատեղելիությունն ազգային հավաքականում աշխատանքի հետ՝ հավաքականի նախկին գլխավոր մարզիչ Մանուկ Սարգսյանը հրաժարականի դիմում է ներկայացրել։

Հայաստանի ֆուտբոլի ֆեդերացիան շնորհակալություն է հայտնում Մանուկ Սարգսյանին կատարած բեղմնավոր աշխատանքի համար և մաղթում նորանոր հաջողություններ մարզչական կարիերայի ընթացքում:

Կանանց ազգային հավաքականի գլխավոր մարզիչ է նշանակվել Արմեն Սանամյանը, որը հայտնի է հայկական մի շարք ակումբներում կատարած մարզչական աշխատանքով: Արմեն Սանամյանի վերջին աշխատատեղը Հայաստանի Մ-19 հավաքականն էր, որտեղ նա կատարում էր գլխավոր մարզիչ Ռազմիկ Գրիգորյանի օգնականի պարտականությունները: