կարևոր
1213 դիտում, 1 տարի առաջ - 2021-03-20 15:52

Մահացել է կոմպոզիտոր Սուրեն Զաքարյանը

Մահացել է կոմպոզիտոր, Հայաստանի կոմպոզիտորների միության անդամ Սուրեն Զաքարյանը, այս մասին հաղորդագրություն է տարածել միությունը:

«Ցավով տեղեկացնում ենք, որ մահացել է Հայաստանի կոմպոզիտորների միության անդամ, կոմպոզիտոր Սուրեն Զաքարյանը:

Հոգեհանգստի և հուղարկավորության մասին կտեղեկացվի ավելին ուշ»:

Սուրեն Զաքարյանը մահացել է սրտի կաթվածից, նա 64 տարեկան էր։

Ծնվել էր Երևանում, երաժիշտների ընտանիքում: 1981-ին ավարտել էր Մոսկվայի Պյոտր Չայկովսկու անվան պետական կոնսերվատորիան, 1983-ին՝ կոնսերվատորիայի ասպիրանտուրան (պրոֆեսոր Լ. Վլասենկոյի դասարան): Միջազգային մրցույթների դափնեկիր էր: 1985-ին ավարտել էր Երևանի Կոմիտասի անվան պետական կոնսերվատորիայի ստեղծագործական բաժինը (կոմպոզիտոր Էդվարդ Միրզոյանի դասարան):