կարևոր
2818 դիտում, 1 տարի առաջ - 2021-03-20 14:59

Դպրոցահասակ երեխաներ՝ Նիկոլ Փաշինյանի հավաքին. համացանցում լուսանկարներ են տարածվում կայացած հավաքից

Մարտի 20-ին՝ Արագածոտնի մարզում, Նիկոլ Փաշինյանի եւ նրա կողմնակիցների հավաքից ուշագրավ լուսանկարներ են հրապարակվում:

Մասնավորապես՝ ԱԺ իմքայլական պատգամավոր Վիկտոր Ենգիբարյանը ֆեյսբուքյան իր էջում լուսանկար է հրապարակել: Դատելով այդ կադրից՝ հավաքի մասնակիցների մեծ մասը դպրոցահասակ երեխաներ են:

Ի դեպ, նմանօրինակ լուսանկարներ համացանցում սկսել են տարածվել նաեւ այլ աղբյուրներից:

Հիշեցնենք, որ հավաքի ընթացքում Նիկոլ Փաշինյանն անդրադարձել է առաջին նախագահ Լեւոն Տեր Պետրոսյանի հայտարարությանը: Այնուհետ նշել, որ պետք է ապրեն այս տարածաշրջանում, բայց այստեղ ապրելու ամենամեծ խնդիրն այն է, որ իրենց ընկալում են որպես թշնամի: Նիկոլ Փաշինյանը նաեւ խոսել է Ղարաբաղյան խնդրից՝ կարեւորելով տրանսպորտային կապերի ապաշրջափակումը: