կարևոր
1146 դիտում, 1 տարի առաջ - 2021-03-19 23:19

Արամի ծննդյան օրվա առիթով ՀՅԴ ընտանիքի անունից ծաղկեպսակ է խոնարհվել նրա հուշարձանի առջև

Արամի ծննդյան օրվա առիթով ՀՅԴ ընտանիքի անունից ծաղկեպսակ է խոնարհվել նրա հուշարձանի առջև

Մարտի 19-ը Հայաստանի Առաջին Հանրապետության հիմնադիր, ազգային, պետական, հասարակական և կուսակցական գործիչ, ՀՅԴ անդամ Արամ Մանուկյանի ծննդյան օրն է։ Ազգային-պետական գործչի ծննդյան 142-ամյակի առիթով Երևանի կենտրոնում վեր խոյացող նրա հուշարձանի առջև ՀՅԴ մեծ ընտանիքի անունից ծաղկեպսակ է խոնարհվել։

Նրա հուշարձանին օրվա ընթացքում այցելել են ՀՅԴ Հայաստանի Գերագույն մարմնի, ՀՅԴ Երևանի Քաղաքային կոմիտեի, ՀՅԴ մարզային կառույցների, ինչպես նաև ՀՅԴ «Նիկոլ Աղբալյան» ուսանողական և Հայաստանի երիտասարդական միությունների անդամները։

ՀՅԴ Հայաստանի Գերագույն մարմնի անդամ Արծվիկ Մինասյանը Արամի հուշարձանին այցելած երիտասարդների հետ զրուցել է նաև Հայաստանի պետականության առջև ծառացած մարտահրավերների և ստեղծված ծանրագույն իրավիճակից դուրս գալու ելքերի մասին՝ այդ ամենը ներկայացնելով Արամի փոթորկալից կյանքի բազմաթիվ դրվագների խորապակերին։