կարևոր
945 դիտում, 1 տարի առաջ - 2021-03-19 12:36

Պուտինը Բայդենին զրույցի է հրավիրել՝ ուղիղ եթերում, սակայն Սպիտակ տնից արձագանքել են՝ Բայդենը զբաղված է

Պուտինը Բայդենին զրույցի է հրավիրել՝ ուղիղ եթերում, սակայն Սպիտակ տնից արձագանքել են՝ Բայդենը զբաղված է

Երեկ երեկոյան Ռուսաստանի նախագահ Վլադիմիր Պուտինը իր ամերիկացի պաշտոնակից Ջո Բայդենին առաջարկել է հեռավար զրույց անցկացնել, բայց ուղիղ եթերում: Անգամ օր է առաջարկել՝ այսօր կամ եկող երկուշաբթի:

Բայդենի վարչակազմից արդեն արձագանքել են: Ճեպազրույցի ժամանակ Սպիտակ տան խոսնակ Ջեն Պսակին ասել է, որ նախագահ Բայդենը այսօր լինելու է Ջորջիա նահանգում՝ հագեցած գրաֆիկով:

Հիշեցնենք, որ ռուս-ամերիկյան հարաբերությունները լարվեցին, երբ Ջո Բայդենը ABC News-ին տված հարցազրույցում Պուտինին մարդասպան անվանեց, նաեւ հայտարարեց, որ Ռուսաստանի նախագահը պատասխան կտա ամերիկյան նախագահական վերջին ընտրություններին միջամտելու համար:

Բայդենի այս մեղադրանքներին ի պատասխան՝ Պուտինը նրան առողջություն մաղթեց ու հավելեց՝ մանկության տարիներին, երբ բակի տղաներով վիճում էին, ասում էին. «Ով ինչ արտահայտություն անի, ինքն է», ու դա, Պուտինի խոսքով, մանկական կատակ չէ: Իսկ Վաշինգտոնում Ռուսաստանի դեսպանը խորհրդակցությունների նպատակով հետ է կանչվել Մոսկվա: