կարևոր
1534 դիտում, 1 տարի առաջ - 2021-03-17 21:33

«Նման հայտարարություն անողներին կարելի է ամենավերջին բառերն էլ ասել». Քաջարանի համայնքապետը զգուշացնում է իմքայլական պատգամավորին

«Նման հայտարարություն անողներին կարելի է ամենավերջին բառերն էլ ասել». Քաջարանի համայնքապետը զգուշացնում է իմքայլական պատգամավորին

Քաջարանի համայնքապետ Մանվել Փարամազյանը հերքել է իմքայլական պատգամավոր Արմեն Խաչատրյանի այն հայտարարությունը, թե Սյունիքի ոչ մի համայնքապետ մարզի ինքնապաշտպանությանը չի մասնակցել: Yerkir.am-ի հետ զրույցում Փարամազյանն ասել է, որ պատերազմի օրերին՝  հոկտեմբերի 17-ին, Փաշինյանը Գորիսի քաղաքապետարան է այցելել, համայնքապետերին կոչ արել իրենց ջոկատներով մասնակցել ինքնապաշտպանությանը, իսկ այդ հանդիպմանը ներկա է եղել նաեւ իմքայլական պատգամավոր Արմեն Խաչատրյանը:

Հոկտեմբերի կեսերին, ըստ Փարամազյանի, թե՛ ինքը, թե՛ Գորիսի համայնքապետ Առուշ Առուշանյանը, թե՛ Սիսիանի ու Մեղրիի համայնքապետերն իրենց ջոկատներով Արցախում ընթացող մարտերին են մասնակցել, իր ջոկատը շրջափակման մեջ է հայտնվել, 2 զոհ ու 6 վիրավոր տվել:

«Եթե ինքը լավ սյունեցի լիներ, հոգով-սրտով սյունեցի լիներ, կգար եւ մեր կողքը կկանգներ: Նման հայտարարություն անողներին կարելի է ամենավերջին բառերն էլ ասել: Մենք ինչ արել ենք, մեդալի կամ պատվոգրի համար չենք արել, մենք մեր պարտքն ենք կատարել»,- ասել է Փարամազյանը: