կարևոր
1276 դիտում, 1 տարի առաջ - 2021-03-17 17:18

Արմեն Իսագուլովի հիշատակը հավերժ կմնա մեր սրտերում․ Ռոբերտ Քոչարյան

Խորը վշտով տեղեկացա ականավոր պետական գործիչ Արմեն Իսագուլովի մահվան մասին: Այս մասին ֆեյսբուքյան իր էջում գրել է ՀՀ 2-րդ նախագահ Ռոբերտ Քոչարյանը:

«Արմեն Իսագուլովն Արցախյան շարժման ակունքներում կանգնած իրական հայրենասեր էր: Մարդ, որին յուրաքանչյուրը, ով պայքար է մղել Արցախի անկախության համար, կարող է համարել իր զինակիցը: Նրա ավանդն Արցախյան պատերազմի հաղթանակում և Արցախում հետագա պետականաշինության գործում անգնահատելի է:

Արմեն Իսագուլովի հիշատակը հավերժ կմնա մեր սրտերում»,- գրել է Քոչարյանը:

Արմեն Իսագուլովը ծնվել է 1945թ. դեկտեմբերի 31-ին Բաքու քաղաքում: 1969թ. ավարտել է Բաքվի պետական համալսարանը:  1988-1991թթ.՝ աշխատել է ՀԽՍՀ ՆԳՆ համակարգում, 1991–1995թթ.-ին և 2001թ.-ից եղել է ԼՂՀ ՆԳ նախարար:

1993թ.-ից ՀՀ ներքին ծառայության գեներալ-լեյտենանտ:

1995-1999 թթ.-ին եղել է ՀՀ ՆԳՆ ներկայացուցիչ ՌԴ-ում: 1993–1994-ին մասնակցել է Վարանդայի (Ֆիզուլիի) շրջանի ազատագրական մարտերին, ՆԳՆ համակարգի ստորաբաժանումների գործունեության համակարգման, կամավորական ջոկատների կազմավորման, ինքնապաշտպանական և ազատագրական մարտերի պլանների մշակման աշխատանքներին:

Պարգևատրվել է ԼՂՀ «Մարտական խաչ» 1-ին աստիճանի շքանշանով: