կարևոր
2029 դիտում, 1 տարի առաջ - 2021-03-17 12:13

Ակցիայի ամբողջ իմաստը իշխանության վախը ցույց տալն է եղել․ Քրիստինե Վարդանյան․ (ՏԵՍԱՆՅՈւԹ)

Նիկոլ Փաշինյանն այսօր պետք է այցելեր կրթության, գիտության, մշակույթի եւ սպորտի նախարարություն: ՀՅԴ Երիտասարդական միության անդամները տեղեկանալով այս մասին երեկ հայտարարություն էին տարածել, որ մտադիր են փակել նրա ճանապարհը:

Առավոտյան արդեն նախարարության շենքը չորս կողմից շրջապատված է եղել ոստիկանների կողմից, ինչպես նաեւ երկու կողմից փակ է Վազգեն Սարգսյանի փողոցը:

Դաշնակցական երիտասարդներից, սակայն, ընդամենը 3 հոգի են եղել շենքի դիմաց: Քրիստինե Վարդանյանի խոսքով՝ ակցիայի ամբողջ իմաստը իշխանության վախը ցույց տալն է եղել:

«Մենք պարզապես ցանկանում էինք մեր բոլոր քաղաքացիներին ցույց տալ այն ոստիկանապետության պատկերը, որը հիմա ՀՀ-ում իրականություն է դարձել: Նիկոլ Փաշինյանը` իր աշխատասենյակից 500 մետր ներքեւ գտնվող ԿԳՄՍ նախարարություն կարող է այցելել միայն, հազարավոր ոստիկանների ուղեկցությամբ»,- լրագրողների հետ զրույցում ասաց ՀՅԴ երիտթեւի ներկայացուցիչ Քրիստինե Վարդանյանը:

Նշենք, որ նմանատիպ ակցիա քաղաքացիները փորձել էին իրականացնել նաեւ վարչապետի՝ Արտաքին գործերի նախարարություն այցի ժամանակ: